പാലക്കാട്: ദീപാവലി സ്പെഷൽ ട്രെയിനുകൾ നാളെ മുതൽ ഓടിത്തുടങ്ങും. യാത്രക്കാരുടെ തിരക്ക് ഒഴിവാക്കാനാണ് പ്രത്യേക നിരക്കിലുള്ള ട്രെയിനുകൾ റെയിൽവേ കൊണ്ടു വന്നിരിക്കുന്നത്.
06037 ചെന്നൈ എഗ്മോർ-നാഗർകോവിൽ സൂപ്പർ ഫാസ്റ്റ് സ്പെഷൽ നവംബർ മൂന്നിന് രാത്രി 10.05ന് ചെന്നൈ എഗ്മോറിൽ നിന്ന് പുറപ്പെട്ട് അടുത്ത ദിവസം രാവിലെ 11ന് നാഗർകോവിലിലെത്തും. മടക്കയാത്രയിൽ, 06038 നാഗർകോവിൽ-ചെന്നൈ എഗ്മോർ സൂപ്പർ ഫാസ്റ്റ് സ്പെഷൽ നവംബർ അഞ്ചിന് വൈകീട്ട് 3.10ന് നാഗർകോവിലിൽനിന്ന് പുറപ്പെട്ട് അടുത്ത ദിവസം പുലർച്ച 05.20ന് ചെന്നൈ എഗ്മോറിലെത്തും. 06040 തിരുനെൽവേലി-താംബരം സ്പെഷൽ വൈകീട്ട് ഏഴിന് തിരുനെൽവേലിയിൽ നിന്ന് പുറപ്പെട്ട് അടുത്ത ദിവസം രാവിലെ 07.55ന് താംബരത്ത് എത്തും. 06049 താംബരം-തിരുനെൽവേലി സ്പെഷൽ ട്രെയിൻ നവംബർ എട്ടിന് വൈകീട്ട് നാലിന് താംബരത്ത് നിന്ന് പുറപ്പെട്ട് അടുത്ത ദിവസം പുലർച്ച മൂന്നിന് തിരുനെൽവേലിയിലെത്തും.
