Add a review

Loading

കോഴിക്കോട്: തേനിനെ അടിസ്ഥാനമാക്കി ഭക്ഷണപ്രേമികള്‍ക്കായി കുട്ടികള്‍ക്കും മുതിര്‍ന്നവര്‍ക്കും ഒരേപോലെ ഇഷ്ടപെടുന്ന ഹണി സ്‌പ്രെഡ്‌സ് വിപണിയിലെത്തിച്ച് ബി ഗുഡ്. രുചിക്കും ആരോഗ്യത്തിനും ഒരു പോലെ ശ്രദ്ധ നല്‍കുന്ന ഉത്പന്നങ്ങളാണ് ബി ഗുഡ് വിപണിയില്‍ ലഭ്യമാക്കുന്നത്.

പ്രിസര്‍വേറ്റീവ്‌സ് ഒന്നുമില്ലാതെ പ്രകൃതിദത്തമായ ഫ്രൂട്ട് ഫ്‌ളേവേഴ്‌സായ അനാര്‍, മാങ്കോ, ലെമണ്‍-ജിന്‍ജര്‍, ചോക്ലേറ്റ് എന്നിവയ്ക്കു പുറമെ തേന്‍ അടിസ്ഥാന ഘടകമായി വികസിപ്പിച്ച ഉത്പന്നങ്ങള്‍ കോട്ടക്കല്‍ ആര്യവൈദ്യശാലയുടെ മാനേജിങ് ഡയറക്ടര്‍ ഡോ. പി എം വാരിയര്‍ കോഴിക്കോട് നടന്ന ചടങ്ങില്‍ പുറത്തിറക്കി. ഫ്‌ളവേഴ്‌സ് സ്റ്റാര്‍ സിംഗര്‍ ഫെയിം കൃഷ്ണദിയ ഡോക്ടര്‍ വാരിയരില്‍ നിന്നും ഉത്പന്നങ്ങള്‍ ഏറ്റുവാങ്ങി.

”കുട്ടികള്‍ക്കും മുതിര്‍ന്നവര്‍ക്കും ഒരേപോലെ ആസ്വാദ്യവും ആരോഗ്യപ്രദവുമായ തേനിനു പ്രാധാന്യം നല്‍കുന്ന ‘ഹെല്‍ത്തി സ്‌പ്രെഡ്‌സ്’ വിപണിയില്‍ എത്തിക്കാന്‍ കഴിഞ്ഞതില്‍ ഞങ്ങള്‍ വളരെയധികം അഭിമാനിക്കുന്നു.” ഡയറക്ടര്‍ കെ.എം. രാജീവ് പറഞ്ഞു.

കച്ചേരിമഠത്തില്‍ രഘുനാഥനും, രാജീവും നയിക്കുന്ന വി.കെ.എസ് വേര്‍വ് നെക്ടര്‍സ് പ്രൈവറ്റ് ലിമിറ്റഡ് എന്ന കമ്പനിയാണ് ബി ഗുഡിന്റെ പിന്നില്‍ പ്രവര്‍ത്തിക്കുന്നത്.

Leave a Reply