രാജ്യത്ത് ഇന്ധനവില നാളെയും കൂട്ടും. പെട്രോള് ലിറ്ററിന് 87 പൈസയും ഡീസലിന് 84 പൈസയുമാണ് കൂട്ടുന്നത്. ഒരാഴ്ച കൊണ്ട് പെട്രോളിന് 6 രൂപ 97 പൈസയാണ് വര്ധിച്ചത്.
ഇന്ന് പെട്രോള് ലിറ്ററിന് 88 പൈസയും ഡീസല് ലിറ്ററിന് 84 പൈസയും വര്ധിപ്പിച്ചിരുന്നു.കഴിഞ്ഞ കുറച്ച് ദിവസങ്ങളായി ഇന്ധന വിലയില് തുടര്ച്ചയായ വര്ധനയാണ് ഉണ്ടായിരിക്കുന്നത്. 5 സംസ്ഥാനങ്ങളിലെ നിയമസഭാ തെരഞ്ഞെടുപ്പിന് മുന്നോടിയായി നവംബര് 4 മുതല് വില വര്ധിപ്പിക്കുന്നത് നിര്ത്തിവെച്ചിരുന്നു. ഈ കാലയളവില് ക്രൂഡ് ഓയിലിന്റെ വില ബാരലിന് 30 ഡോളറാണ് വര്ധിച്ചത്.
അതേസമയം, റഷ്യയുടെ യുക്രൈന് അധിനിവേശത്തിന്റെ ഭാഗമായാണ് ഇന്ധന വില കുതിച്ചുയരുന്നതെന്ന് കേന്ദ്രമന്ത്രി നിതിന് ഗഡ്കരി പറഞ്ഞു.